Yaponiya və ABŞ Tayvanla bağlı razılığa gəldi

Yaponiyanın Baş naziri Fumio Kişida ABŞ Konqresinin Nümayəndələr Palatasının spikeri Nensi Pelosi ilə görüşdə Tayvan boğazında sülhün və sabitliyin qorunması üçün birgə işləmək barədə razılığa gəlib.
azdin.az Yaponiya KİV-lərinə istinadən xəbər verir ki, bu barədə Baş nazir görüşdən sonra jurnalistlərə bildirib. Biz həmçinin Tayvan boğazında sülh və sabitliyin qorunması üçün davamlı sıx əməkdaşlığı təsdiqlədik", - Kişida qeyd edib.
Baş nazir bildirib ki, Tokio Çinin təlimlərini və raket buraxılışlarını pisləyir: "Mən spiker Pelosiyə məlumat verdim ki, Çin ballistik raketlərinin Yaponiya sularına, o cümlədən eksklüziv iqtisadi zonaya düşməsi bizim milli təhlükəsizliyimizi təhdid edir və Yaponiya bu cür hərəkətləri qəti şəkildə pisləyir", - Kişida bildirib.
Baş nazir həmçinin Çinin davranışlarının regionda və ondan kənarda sülh və sabitliyə ciddi təsir etdiyini deyib.