İki gəmi toqquşdu, biri batdı

Hollandiya bayrağı altında üzən gəmi Danimarkanın qərb sahillərində Baham adaları bayraqlı gəmi ilə toqquşub. 
azdin.az  xarici KİV-ə istinadən xəbər verir ki, "Wild Cosmos" adlı gəmi ilə toqquşan  89 metrlik "Helge", Şimal dənizindəki Jutland yarımadasından 37 kilometr aralıda batıb. Danimarka Hərbi Dəniz Qüvvələri batan gəmidən dənizə atılan 7 nəfərlik heyəti helikopterlə xilas edib. Qəza nəticəsində xəsarət alan olmayıb.
"Wild Cosmos" gəmisində ciddi dağıntı və ya insan tələfatı qeydə alınmayıb.

Xəbər lenti
Çox oxunanlar