Azərbaycanlıların qətlində əli olduğu deyilən rus polislər kimlərdir?

Günlərdir Azərbaycan-Rusiya arasında gərgin münasibətlərə səbəb olan Yekaterinburqdakı hadisələri törədən polislərin kimliyi məlum olub. 
"Azdin.az" xəbər verir ki,  bu barədə “Evocation” teleqram kanalı məlumat yayıb. 
Rus "hüquq-mühafizə" orqanlarının kobud şəkildə Yekaterinburqda soydaşlarımıza qarşı keçirdiyi əməliyyat iki nəfərin ölümünə səbəb olub.  Azərbaycanlıların qətlinə görə məsuliyyət daşıyan Rusiyanın Yekaterinburq şəhərinin polislərinin təfərrüatlarını təqdim edirik. 
- Polis mütəşəkkil cinayətkar qrupunun rəhbəri 25.09.1984-cü il təvəllüdlü polkovnik Viktor Poznyakdır.
- Onun müavini və istintaq idarəsinin rəisi 10.02.1981-ci il təvəllüdlü polkovnik Nikolay Poçayevetsdir.
- Poznyakın digər müavini polkovnik-leytenant Rafael Xamidulindir, 10.06.1984-cü il təvəllüdlü.
- Poznyakın kadrlarla iş üzrə müavini - Alexander Smirnykh, 17.01.1990
Sözgedən şəxslər ölümcül nəticəyə gətirib çıxaran vəzifə səlahiyyətlərindən sui-istifadə etmələrinə görə məsuliyyət daşıyırlar.