Hərbi xidmətə gedəndən 20 gün sonra itkin düşən şəhid dəfn olunacaq

Birinci Qarabağ müharibəsində itkin düşən, 31 il sonra kimliyi müəyyənləşdirilən itkin şəhid Abuzər Abbasov mayın 16-da dəfn olunacaq.
Azdin.az xəbər verir ki, bu barədə Zərdab Rayon İcra Hakimiyyətindən bildirilib.
Şəhid Zərdab rayonun Yuxari Seyidlər kəndində torpağa tapşırılacaq.
Qeyd edək ki, Abbasov Abuzər Tənzil oğlu 10.8.1972-ci ildə Zərdab rayonu Yuxarı Seyidlər kəndində anadan olub. O, 1994-cü il yanvarın 6-da hərbi xidmətə çağırılıb. 20 gün sonra - 1994-cü il yanvarın 26-da Fizuli rayonunun Aşağı Abdurəhmanli kəndi uğrunda gedən döyüşlərdə itkin düşüb.
Azərbaycan torpaqları işğaldan azad olunandan sonra A.Abbasovun meyitinin qalıqları tapılıb.