Badara kənd sakini: Müharibə vaxtı 7 şəhid vermişəm

"Müharibə vaxtı 7 şəhid vermişəm. Düşünürəm ki, yurduma qayıtdığım üçün şəhidlərimin də ruhu şaddır".
Bu sözləri Xocalı rayonunun Badara kənd sakini Çiçək Nurməmmədova söyləyib.
O, həmçinin Ali Baş Komandana təşəkkür edib: "Şəhidlərimizin qanını yerdə qoymadı. Torpaq uğrunda şəhid olan bütün oğullarımıza Allah rəhmət eləsin. Qazilərimizə Allahdan cansağlığı arzulayıram.
Mən bu gün öz torpağıma qayıtdığım üçün çox sevinirəm. Həm də kədərliyəm, ona görə ki, 7 şəhid vermişəm. 2 bacım, 1 qardaşım, atam, anam, qayınatam və qayınanam şəhid olub".