Rusiya səfirliyinin yaxınlığında partlayış: 25 ÖLÜ (YENİLƏNİB)

Rusiyanın Kabildəki səfirliyi qarşısında baş verən partlayış nəticəsində azı 25 nəfər ölüb,  onlarla insan yaralanıb.
azdin.az xəbər verir ki, bu barədə "Əl-Cəzirə" telekanalı məlumat yayıb. 
Ölənlər arasında Rusiya səfirliyinin iki əməkdaşı da var. Bildirilir ki, partlayış səfirliyin girişində baş verib və Rusiya vizası üçün müraciət etməyə gələn vətəndaşlara qarşı yönəlib.
***12:12
Əfqanıstanın paytaxtı Kabildə, Rusiya səfirliyinin yaxınlığında törədilən partlayış nəticəsində 15-20 nəfərin öldüyü və ya yaralandığı güman edilir.
azdin.az  xarici KİV-ə  istinadən xəbər verir ki, yaralananlardan ikisi rusiyalı diplomatlardır.  
***11:13
Əfqanıstanın paytaxtı Kabildə partlayış olub.
azdin.az xarici KİV-ə istinadən xəbər verir ki,  partlayış Rusiyanın Kabildəki səfirliyi yaxınlığında qeydə alınıb. 
Hadisənin təfərrüatları hələlik məlum deyil.