Ruslar Xarkovda mindən çox insanın olduğu xəstəxananı vurdu (FOTO)

Xarkov meri gecə "gəlişləri” haqqında daha ətraflı məlumat paylaşıb. O bildirib ki, raket hücumu zamanı binalarında insanların olduğu tibb kompleksi hücuma məruz qalıb.

Azdin.az xəbər verir ki, onun sözlərinə görə, hücum zamanı tibb müəssisəsində mindən çox insan - 900 xəstə, 250 işçi olub. 

"Xoşbəxtlikdən, raketlər tibb müəssisəsinin binalarına deyil, yerə düşüb - əks halda ölənlərin və yaralananların sayını təsəvvür etmək çətin olardı. Yüngül dərəcəli bir yaralı var", - mer dəqiqlik gətirib.

Dağıntılara gəlincə, partlayış dalğası nəticəsində bir neçə binaya ziyan dəyib: şüşələr qırılıb, damlar, elektrik xətləri, su boruları və digər kommunal xətlər sıradan çıxıb. Bütün müvafiq xidmətlər hadisə yerindədir.

Daha sonra Milli Polis əlavə edib ki, aprelin 27-də saat 00:30 radələrində ruslar Saltovski rayonuna iki raket atıblar. Sursat xəstəxana ərazisinə düşüb. Həmçinin, 1970-ci il təvəllüdlü bir xəstəsinin dağıntılar altında yaralandığı da təfərrüatlı şəkildə qeyd olunub. Atəş nəticəsində tibb müəssisəsinin işlək olmayan binası, iaşə bölməsi və 60 xəstənin və 5 xəstəxana işçisinin zərbə anında yerləşdiyi binaya ziyan dəyib. Dağılmış binalardan xəstələr başqa binalara köçürülüb.