Bakıda naməlum şəxs avtobusa hücum etdi - ANBAAN VİDEO (YENİLƏNİB)

Daxili İşlər Nazirliyi naməlum şəxsin marşrut avtobusuna hücum etməsinə münasibət bildirib.
Nazirliyi Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev azdin.az a bildirib ki, hadisə ilə bağlı araşdırma aparılır.
"Həmin şəxsin orta dərəcəli sərxoş olması müəyyən olunub. Hazırda aidiyyatı üzrə polis bölməsində araşdırma aparılır. Araşdırmanın nəticəsindən hadisənin təfərrüatı aydın olacaq".
Anar Kəlbiyev
***11:49
Bakıda səhər saatlarında naməlum şəxs marşrut avtobusuna hücum edib.
azdin.az xəbər verir ki, bu barədə görüntülər sosial şəbəkədə yayılıb. Belə ki, hadisə Binəqədi rayonu, 9-cu mikrorayon ərazisində baş verib. Orta yaşlı şəxs 85 saylı marşrut xətti üzrə hərəkət edən iritutumlu avtobusa yaxınlaşaraq sürücüyə qarşı xuliqanlıq hərəkətləri edib.
O, sürücüyə və avtobusa zərbələr endirib. Avtobusun şüşələrini sındırıb.
Hadisə ilə bağlı araşdırma aparılır.