Mehdiyevlərin bankının zərəri yenə Banklar Assosiasiyasının hesabatında yoxdur

Xəbər verdiyimiz kimi, Azərbaycanda fəaliyyət göstərən banklar arasında bu ilin ilk yarısını zərərlə başa vuran yeganə bank “Bank BTB” ASC olub.
 
Azdin.az Yeniavaz.com-a istinadən xəbər verir ki, “Bank BTB” ASC-nin xalis zərəri 1 milyon  699 min manat olub.
 
Məlumat üçün qeyd edək ki, artıq 5-ci ildir ki, “Bank BTB” ASC zərərlə işləyir:
 
2020-ci ildə – 9 milyon 130 min manat;
2022-ci ildə – 4 milyon 975 min manat;
2023-cü ildə – 2 milyon 779 min manat;
2025-ci ilin ilk yarısı – 1 milyon 699 min manat.
 
Lakin daha əvvəl də qeyd etdiyimiz kimi “Bank BTB” ASC açıqladığı məlumatlarda xalis zərərini gizlətməyə çalışır. Eyni zamanda, Azərbacan Banklar Assosiasiyası  (ABA) da öz hesabatında “Bank BTB” ASC-nin xalis zərərini göstərmir.
 
Banklar Assosiasiyası açıqladığı son hesabatdada ölkədə fəaiyyət göstərən bütün bankların xalis mənfəətini qeyd etsə də, “Bank BTB”nin qarşısındakı xananı boş saxlayaraq, bankın zərərini qeyd etməyib.