Azərbaycanda futbolçu faciəvi şəkildə öldü

"Sabah"ın 19 yaşadək futbolçulardan ibarət komandasında çıxış edən Amid Alxasov faciəli şəkildə vəfat edib.
Azdin.az xəbər verir ki, bu barədə "Səbail" futbol klubu məlumat yayıb.
Qeyd edilib ki, son mövsümü icarə əsasında "Səbail"in U-19 komandasına keçirən futbolçu həyatını itirib.
***
"Sabah"ın 19 yaşadək futbolçulardan ibarət komandasında çıxış edən Amid Alxasovun ölümünün bəzi detalları məlum olub.
Oxu.az-ın məlumatına görə, Qusarda yaxınları ilə istirahətə gedən Amid gilas bağlarını suvarmaq üçün çayın yaxınlığında düzəldilmiş kanalda çimmək istəyib. Onun boğulduğunu görən yaxınları kömək etmək istəsələr də, batan futbolçunu xilas etmək mümkün olmayıb.
Amid Alxasov "Vətən" İdman Liseyinin 10-cu sinif şagirdi imiş.