DİN 6 nəfərin öldüyü qəza ilə bağlı MƏLUMAT YAYDI (YENİLƏNİB-2)

Daxili İşlər Nazirliyi (DİN) Göygöldə ölümlə nəticələnən ağır yol-nəqliyyat hadisəsi ilə bağlı məlumat yayıb.
DİN-dən azdin.az a bildirilib ki, iyulun 1-də saat 23 radələrində Göygöl rayonunun Mollacəlilli kəndi ərazisində Samux rayon sakini Orxan Hümbətovun idarə etdiyi “VAZ-2107” markalı avtomobillə Bakı şəhər sakini N.Bayramovun idarə etdiyi “DAF” markalı yük avtomobili toqquşub. Nəticədə O.Hümbətov və 4 sərnişini hadisə yerində, 1 sərnişini isə xəstəxanada ölüb.Baş İstintaq və Təhqiqat İdarəsi tərəfindən araşdırma aparılır.
***
09:03
Göygöldə avtomobil qəzası zamanı xəsarət alanlardan daha biri xəstəxanada dünyasını dəyişib.
azdin.az xəbər verir ki, bununla da ölənlərin sayı 6 nəfərə çatıb.
***
23:59
Göygöl rayonunda ağır yol qəzasında ölənlərin sayı artıb.
azdin.az xəbər verir ki, xəsarət alanlardan daha biri dünyasını dəyişib.
Bununla da ölənlərin sayı 5 nəfərə çatıb.
xxx
23:31
Göygöl rayonunda dörd nəfərin ölümü ilə nəticələnən yol-nəqliyyat hadisəsi olub.
azdin.az report-a istinadən xəbər verir ki, hadisə Bakı-Qazax magistralının Göygöl rayon ərazisindən keçən hissəsində qeydə alınıb.
Yük avtomobili ilə "VAZ-2107"nin toqquşması nəticəsində bir ailənin 4 üzvü - ata, ana, 18 aylıq körpə və bir qadın dünyasını dəyişib. Hazırda onların şəxsiyyəti dəqiqiləşdirilir.
Faktla bağlı araşdırmalara başlanılıb.