200 minlik dələduzluq edən saxta gömrükçüyə cəza verildi

Gəncə Ağır Cinayətlər Məhkəməsində dələduzluqda təqsirləndirilən Zaman Əliyevin (şərti) cinayət işi üzrə məhkəmə istintaqı başa çatıb.
 
Azdin.az-ın əldə etdiyi məlumata görə, hakim Elmin Rüstəmovun sədrliyi ilə keçirilən prosesdə hökm oxunub. 
 
Məhkəmənin hökmü o, 7 il 6 ay müddətinə azadlıqdan məhrum edilib.
 
İttihama görə, Zaman Əliyev 2021-ci ilin avqust ayında Bakı şəhərində Dövlət Gömrük Komitəsi əməkdaşının xidməti geyim formasını geyinərək özünü yalandan 7 vətəndaşa həmin Komitənin əməkdaşı kimi təqdim edib. O, vətəndaşlara onları Dövlət Gömrük Komitəsinə işə qəbul edilməsini həll etmək imkanına malik olmasını yalandan vəd edib. Zaman Əliyev bu yolla həmin şəxslərdən 185 675 manat pulu dələduzluq yolu ilə ələ keçirib.
 
Daha sonra o, verdiyi vədə əməl etməyərək cinayət məsuliyyətinə cəlb edilib.