"Kim nə iş görür, kim nə edir, bunlar araşdırılmalıdır" - Deputat

"İnsanlar danışırlar, eşidirik. Kənd Təsərrüfatı Nazirliyi, İqtisadiyyat Nazirliyi yanında Əmlak Məsələləri Dövlət Xidməti, kim nə iş görür, kim nə edir, bunlar araşdırılmalıdır. İnsanlar incidilməməlidir. Bir də görürsən elementar bir şeydən ötrü insanlar get-gələ salınır".
"Azdin.az" xəbər verir ki, bunu Milli Məclisin Aqrar siyasət komitəsinin bu gün keçirilən iclasında deputat Eldar İbrahimov deyib.
O bildirib ki, Bakıda bəzi ərazilərdə torpaqlar var ki, aydınlaşmayıb:
"Belə ki, Zeytunluq deyilən sahə var. Həmin yer Abşeron rayonun hesabındadır, amma Binəqədi bələdiyyəsi vaxtilə sərəncam verib, insanlar orada ev tikiblər. Bəs bunların taleyi necə olacaq? Orada yaşayanlar özlərinə kupça ala bilmirlər. İnsanlar narahat olur".